– Ketchupeffekten kjem ikkje på Vestlandet

Ei knapp veke før Stortingsvalet meiner Vestlandsbedriftene og at den komande regjeringa bør satse på lågare skatter og avgifter, og auka investeringar i samferdsle for å sikre økonomisk vekst blant vestlandsbedriftene.

• LES OGSÅ: Optimismen er tilbake i det kriserammede Vestlandet

Særleg lågare arbeidsgivaravgift segler opp som den føretrekte skattereduksjonen for å auka sysselsettinga, syner indeksen.

Vestlandsindeks er ei undersøking blant 700 bedriftsleiarar på Vestlandet utarbeida av Sparebanken Vest i samarbeid med Respons Analyse

Lågare etterspurnad

Men resultatindeksen for Rogaland går noko tilbake frå førre kvartals måling frå 60,5 til 60,0. Bedriftene i oljefylket har rapportert om lågare etterspurnad dei siste tre månadane, og underindeksen for investeringar i regionen fell for andre kvartal på rad.

Forventningsindeksen for fylket fell for andre kvartal på rad frå 63,8 til 61,8. Den auka optimismen som vart rapportert i den første Vestlandsindeksen i år har blitt justert kraftig ned.

• LES OGSÅ: Investerer i havrommet og fiske, men ikke i innovasjon

I denne Vestlandsindeksen melder Rogalandsbedriftene om nedgang i alle underindeksane. Underindeksane for etterspurnad og investeringar fell for andre kvartal på rad, medan underindeksen for sysselsetting har den mest markante tilbakegangen frå 56,6 til 52,8 det siste kvartalet.

Hauste fruktene

Indeksen viser at den moderate positive utviklinga Vestlandet har sett det siste året fortsett. Etterspurnaden går noko tilbake, medan lønsemd og sysselsetting bidreg til den positive utviklinga i resultatindeksen.

«Samstundes er framtidsutsiktene noko avdempa – ketchup-effekten kjem ikkje,» understrear rapportforfattarane.

• LES OGSÅ: Skaper tusenvis av jobber

– Det er gledeleg at næringslivet på Vestlandet viser robustheit med tanke på inntening og at ledigheita går ned ved at bedrifter tilsett folk igjen. Mange bedrifter har vore flinke til å nytte dei siste års økonomiske utfordringar til både nyskapande omstilling og meir tradisjonell tilpassing av kostnadar. Dette byrjar dei no å hauste fruktene på botnlina, seier konserndirektør Ragnhild Fresvik i Sparebanken Vest i ein pressemelding.

Auka investeringar

For tredje kvartal 2017 viser Vestlandsindeks ein resultatindeks på 61,5 og ein forventningsindeks på 64,5.

Resultatindeksen viser bedriftene si oppleving av marknadssituasjonen dei siste tre månadane, medan forventningsindeksen viser bedriftene sine forventningar til marknadssituasjonen dei neste seks månadane. Tilsvarande tal for tredje kvartal 2016 var 58,7 og 62,0.

• LES OGSÅ: Nordmenn er optimistiske til fremtidens arbeidsmarked

– Det er positivt at vestlandsbedriftene venter noko auka investeringar for det neste halvåret. Men samstundes må vi og ta inn over oss ein svakare forventing knytt til marknadsutsiktene og dermed sysselsetting og lønsemd for dei neste seks månadane, som bidreg til å dempe ein samla forventningsindeks dette kvartalet og. Det er framleis mykje ledige ressursar i Vestlandsøkonomien og vi venter ei fortsatt konsolidering blant bedrifter knytt til olje- og gassnæringa, seier Fresvik.

Viktig med samferdsle

Samferdsle og utbygging av veier har lenge vore ein fanesak blant næringslivet på Vestlandet.

Sjølv om delen som meiner dette er viktig har gått marginalt ned sidan førre stortingsval, svarar framleis 90 % av vestlandsbedriftene at samferdsle i stor grad er viktig for å sikre lønsemd på Vestlandet.

• LES OGSÅ: Bedriftene vil holde på kompetansen

– God samferdsle er heilt klart ein av dei viktigaste faktorane for vidare utvikling av næringslivet i regionen. Men det er samstundes like klart at det kan bli eit problem når smørbrødlista frå bedriftene med ynska prosjekt vert so lang, og utan openberre favorittprosjekt. Faren er da større for at dei viktigaste samferdsleprosjekta på Vestlandet kan bli forhandla vekk på Stortinget. Her trur eg næringslivet på Vestlandet hadde tent på å kunne tale med ei meir samla stemme inn mot dei folkevalde, seier Fresvik.

Redusere arbeidsgjevaravgifta

Delen bedriftsleiarar som meiner lågare skatter og avgifter bør vere regjeringa sitt hovudfokus for å sikre bedrifta suksess på lang sikt har auka til 41 prosent, opp frå 25 prosent ved førre stortingsval.

• LES OGSÅ: Her er en skatt dere kan kutte, Jensen

– At bedrifter på Vestlandet trekker fram lågare skatter og avgifter som eit av dei viktigaste verkemidla ei ny regjering må nytte for å skape ytterlegare vekst er ikkje spesielt overraskande, men desto meir interessant er det at det er arbeidsgjevaravgifta flest vil redusere. 58 prosent har svart at dei ville redusert arbeidsgjevaravgifta, medan 43 prosent ynskjer ein reduksjon i den mykje meir omtala formueskatten, seier Fresvik og fortsett:

– Ser vi enda nærare på tala i Vestlandsindeks meiner 60 prosent av bedriftsleiarane at lågare arbeidsgjevaravgift vil føre til at det blir lettare å tilsette folk. Delen som meiner at ein reduksjon i formueskatten vil ha ein tilsvarande effekt er berre 10 prosent. For politikarane er det absolutt verdt å merke seg bedriftene si tilbakemelding på kvar skoen trykker skattemessig når det gjelder å få fleire folk i arbeid.

Best for turistfylket

Bedriftene i Sogn og Fjordane melder om ei positiv utvikling i resultata dei siste tre månadene og resultatindeksen aukar med det til 64,1 opp frå 62,7 førre kvartal.

«Turistfylket» sikrar med det sin posisjon som regionen på Vestlandet med høgast resultatindeks. Dette vert understøtta av at underindeksen for overnatting og servering har si høgaste måling i Vestlandsindeksen si historie og tal frå SSB viser at losji-omsetnaden i fylket går opp 13 prosent mot fjoråret.

• LES OGSÅ: Verdas vakraste klasserom

Bedriftene i fylket melder om oppgang i underindeksane for investeringar, sysselsetting og lønsemd, medan etterspurnaden ligg på same nivå som ved førre kvartal.

Sogn og Fjordane skil seg ut som den einaste regionen med auke i forventningsindeksen i tredje kvartal, opp til 66,8 frå 65,6 førre kvartal.

Bedriftene i regionen venter redusert sysselsetting og lønsemd, men forventningane om ei auke i investeringar og etterspurnad bidreg til å trekke forventningsindeksen opp.