Arbeidsliv
Omsorgssektoren treng flest folk
Ikkje sidan inngangen til oljekrisa har talet på ledige stillingar vore så høgt.
Ledige stillingar har auka med 3.800 frå 1. til 2. kvartal i år. Dette er ein auke på 7 prosent.
Mykje av auken kom i omsorgstenester, men det var også auke i nokre tenesteytande næringar dominert av privat sektor.
- LES OGSÅ: Ledig stilling: Mental trener
Etter fleire år med nedgang har det i løpet av siste år stort sett vore oppgang og ein må tilbake til 2014 for å finne tilsvarande nivå i talet på ledige stillingar, viser tal frå Statistisk sentralbyrå.
Flest på institusjonane
Oppgangen i det sesongjusterte talet på ledige stillingar kom særleg i næringane pleie- og omsorgstenester i institusjon samt sosiale omsorgstenester utan butilbod.
«Her var det høvesvis 1.100 og 2.900 fleire ledige stillingar i andre 2. kvartal 2017 samanlikna med kvartalet før, når vi har justert for sesongvariasjonar,» skriv artikkelforfatterane til SSB.
Fagleg, vitskapleg, teknisk og forretningsmessig tenesteyting hadde til saman ein auke på 1.300 ledige stillingar i denne perioden. I dei fleste andre næringane var det berre små endringar frå 1. til 2. kvartal.
Ledige stillinger: Historisk utvikling:
Trend i heile EU
Når ein samanliknar mellom land bruker ein ofte prosentdelen ledige stillingar sidan talet på ledige stillingar i stor grad varierer etter størrelsen på landet.
Både Noreg, Sverige, Tyskland og EU sett under eitt har hatt auke i prosentdelen ledige stillingar den siste tida – medan Storbritannia har ligge stabil på 2,5 prosent i eit par år.
Primærnæringane er haldne utanfor i denne internasjonale samanlikninga.